Tgei occurrenzas?

Per ordinari stat in tema el center, p.ex. aura, amur, mort, bialas canzuns, fugitivs, liungs viadis a pei, recepts da cuschina, nums da funs, fotografias veglias, humor etc. etc.

Tier certs temas ein „hosps“ envidai ch’informeschan e raquentan da lur experientschas. Tier auters temas sa „in e scadina“, pia tgi che vul ed ha gust, separticipar activamein cun raquintar da plaschers e quitaus, da patratgs ed eveniments che pertuccan il tema dalla sera.

Ei va per sentupar, tedlar, communicar, selegrar e discussiunar.
L'entrada a nossas occurrenzas ei gratuita.

Per tgi?

Per tgi che vul - giuven e vegl, umens e dunnas da Ruschein e Ladir.
Era persunas d'ordeifer e hosps ein cordialmein envidai!

„da cuminonza“ vul promover il contact denter las generaziuns, pia era schar vegnir a plaid la giuventetgna ch’ha savens interessantas occupaziuns e professiuns, dallas qualas ins sa pauc el vitg.

Las sentupadas vegnan fatgas per ordinari per romontsch ed ina ga ni l’autra era per tudestg, cunzun sche in hosp envidau discuora buca romontsch. Persunas che capeschan romontsch, mo discuoran buca quei lungatg, san secapescha far lur votums per tudestg.